02 मार्च 2018

जोगीरा सारा रा रा.. मोदी मुँहझौंसा

1
चिन्नी मंहगा, तेल मंहगा,
औ मंहगा मिर्चाय!
ई मंहगी में ब्रेसियर नै लैलक,
बंदरी "साथी" पर गेल गोसाय!
जोगीरा सारा रा, जोगीरा सारा रा...
2
मांझी मिल गेल लालू के संग,
चौधरी नीतीश के संग!
दलबदलू के रंग देख के,
गिरगिटियो रह गेल दंग!
जोगीरा सारा रा, जोगीरा सारा रा...
3
सैंया रह गेल गुजरात में,
रेल में मिलल नै सीट!
अपन्न कन्याय के जे नै होल,
उ की समझत, की होबो हे प्रीत!
जोगीरा सारा रा, जोगीरा सारा रा...
4
कोय लड़ाबे हिन्दू कहके,
कोय कहके मुसलमान!
मूढ़ मति अदमी देख के,
मंदिर-मस्जिद से भाग गेल भगवान!
जोगीरा सारा रा, जोगीरा सारा रा...

5
मम्मी मम्मी बियाह करा दे,
दिला दे पीएम के कुर्सी!
राहुल बाबा रो रो के,
बता रहल हे अपन्न मर्जी!
जोगीरा सारा रा, जोगीरा सारा रा...

6
सफेद धन ले माल्या भागल,
भाग गेल नीरव मोदी!
कालाधन नै वापस लैलक,
मुँहझौंसा नीरेन्द्र मोदी!
जोगीरा सारा रा, जोगीरा सारा रा...

7
छम छम करके सिसोदिया नाचे,
भौजी संग कजरी करे अट्टहास!
सुबुक सुबुक के जोगिंदर रोबे,
फफक फफक के रोबे विश्वास!
जोगीरा सारा रा, जोगीरा सारा रा...

8
लालूजी बइठल जेल में,
पागुर करे इठलाय!
चारा खाके खरबो बनैलूँ,
सात पुस्त तक बैठ के खाय..
जोगीरा सारा रा, जोगीरा सारा रा...

9
टुरुस टुरुस के तेजस्वी रोबे,
गच्चा देलका चच्चा!
वोट ले के चोट देलक
बना देलका फेर बच्चा!
जोगीरा सारा रा, जोगीरा सारा रा...

10
किसान लगा रहल हे फांसी,
बेरोजगार बइठल हे नौजवान!
भक्त कर रहला तभियो भक्ति,
जय जय जय मोदी भगवान!
जोगीरा सारा रा, जोगीरा सारा रा...

(अरुण साथी, पत्रकार, बरबीघा, बिहार)

मंदिर मस्जिद साथ साथ एकता दिवस पे बिशेष

#एकता_दिवस #मंदिर_मस्जिद साथ साथ आज एकता दिवस है। मंदिर मस्जिद का मुद्दा फिर चुनाव आते ही चरम पे है। विकास, रोजगार, रोटी का मुद्दा गौण। इ...